ਮਨਾਂ ਮੇਰਿਆ, ਓ ਮਨਾਂ ਮੇਰਿਆ...

ਕਰਦਾ ਫਿਰੇ ਸਭ ਦੀ ਬੁਰਾਈ
ਆਪਣੇ ਅੰਦਰ ਨ ਫੇਰੀ ਪਾਈ
ਤੇਰੀ ਸਮਝ ਕੋਈ ਨ ਆਈ
ਮਨਾਂ ਮੇਰਿਆ, ਓ ਮਨਾਂ ਮੇਰਿਆ...

ਪਰਾਈ ਔਰਤ ਵਲ ਜਦ ਤੱਕੇਂ
ਮੈਲੀ ਅੱਖ ਸਦਾ ਹੀ ਰੱਖੇਂ
ਮਾੜੇ ਕੰਮ ਕਰਦਾ ਨਾ ਥੱਕੇਂ
ਮਨਾਂ ਮੇਰਿਆ, ਓ ਮਨਾਂ ਮੇਰਿਆ...

ਸਭਨਾ ਦੇ ਦਿਲ਼ ਤੋ ਲਹਿ ਗਿਆ
ਤੂੰ ਵਸ ਵਾਸਨਾ ਦੇ ਪੈ ਗਿਆ
ਬਸ ਏਸੇ ਜੋਗਾ ਰਹਿ ਗਿਆ
ਮਨਾਂ ਮੇਰਿਆ, ਓ ਮਨਾਂ ਮੇਰਿਆ...

ਵੱਡਿਆ ਦੀ ਇੱਜ਼ਤ ਨ ਕੋਈ
ਪਿਉ ਦੀ ਪਗੜੀ ਮੈਲੀ ਹੋਈ
ਜਿਹਨੇ ਜਨਮ ਦਿੱਤਾ ਮਾਂ ਰੋਈ
ਮਨਾਂ ਮੇਰਿਆ, ਓ ਮਨਾਂ ਮੇਰਿਆ...

ਕਰਦਾ ਫਿਰੇ ਤੂੰ ਮੇਰੀ-ਮੇਰੀ
ਕੋਈ ਔਕਾਤ ਨਾ ਏਥੇ ਤੇਰੀ
ਤੂੰ ਤਾ ਇੱਕ ਮਿੱਟੀ ਦੀ ਢੇਰੀ
ਮਨਾਂ ਮੇਰਿਆ, ਓ ਮਨਾਂ ਮੇਰਿਆ...